Qazaqstan Respýblıkasy Prezıdentiniń Jarlyǵy №994

Qazaqstan halqy Assambleıasynyń  20 jyldyǵy qurmetine arnalǵan merekelik medal týraly Eldegi qoǵamdyq kelisimniń nyǵaıýyna, Qazaqstan halqynyń birligin qamtamasyz etýge eleýli úles qosqan Qazaqstan Respýblıkasynyń azamat­tary men shetel azamattaryn kótermeleý maqsatynda, sondaı-aq Qazaq­stan halqy Assambleıasynyń 20 jyldyǵynyń qurmetine qaýly etemin: 1. «Qazaqstan halqy Assambleıasyna 20 jyl» merekelik medali taǵaı­yn­dalsyn. 2. Mynalar: 1) «Qazaqstan halqy Assambleıasyna 20 jyl» merekelik medalimen nagradtaý qaǵıdalary; 2) «Qazaqstan halqy Assambleıasyna 20 jyl» merekelik medaliniń sıpattamasy bekitilsin. 3. Osy Jarlyq qol qoıylǵan kúninen bastap qoldanysqa engiziledi. Qazaqstan Respýblıkasynyń Prezıdenti N.NAZARBAEV. Astana, Aqorda, 2015 jylǵy 23 qańtar. №994 Qazaqstan Respýblıkasy Prezıdentiniń 2015 jylǵy 23 qańtardaǵy №994 Jarlyǵymen BEKITILGEN «Qazaqstan halqy Assambleıasyna 20 jyl» merekelik medalimen nagradtaý QAǴIDALARY 1. Osy Qaǵıdalar «Qazaqstan halqy Assambleıasyna 20 jyl» merekelik medalimen (budan ári – merekelik medal) nagradtaý tártibin retteıdi. 2. Merekelik medalmen eldegi qoǵamdyq kelisimniń nyǵaıýyna, Qazaqstan halqy birligin qamtamasyz etýge, Qazaqstan halqy Assambleıasynyń róliniń artýyna, Qazaqstannyń beıbitshilik pen kelisim tájirıbesin shet elderde taratýǵa jáne Qazaqstan men ózge memleketter halyqtary arasyndaǵy dostyq qatynastardy damytýǵa eleýli úles qosqan Qazaqstan Respýblıkasynyń azamattary jáne shetel azamattary nagradtalady. 3. Merekelik medalmen nagradtaýǵa usynýlardy Qazaqstan Respýblıkasynyń Prezıdentine Qazaqstan Respýblıkasynyń Parlamenti, Úkimeti, mınıstrlikteri, ózge de ortalyq memlekettik organdary, Qazaqstan halqy Assambleıasy, Astana jáne Almaty qalalarynyń, oblystardyń ákimderi, sondaı-aq qoǵamdyq uıymdar engizedi. 4. Merekelik medaldi Qazaqstan Respýblıkasynyń Prezıdenti tapsyrady. Qazaqstan Respýblıkasy Prezıdentiniń atynan jáne onyń tapsyrmasy boıynsha merekelik medaldi, sonymen qatar: 1) Qazaqstan Respýblıkasynyń Memlekettik hatshysy; 2) Astana jáne Almaty qalalarynyń, oblystardyń ákimderi, sondaı-aq Memleket basshysy ýákilettik bergen ózge de laýazymdy adamdar tapsyra alady. Nagradtalǵan adamǵa medalmen qosa belgilengen úlgidegi kýálik tabys etiledi. 5. Merekelik medaldi tapsyrý saltanatty jaǵdaıda júrgiziledi jáne nagradtalýshynyń jeke ózine tapsyrylady. Tapsyrý aldynda Qazaqstan Respýblıkasy Prezıdentiniń nagradtaý týraly Jarlyǵy jarııa etiledi. 6. Merekelik medal sol jaq omyraýǵa taǵylady. Qazaqstan Respýblıkasynyń memlekettik nagradalary bolǵan jaǵdaıda olardan keıin ornalastyrylady. 7. Merekelik medaldiń tabys etilgendigi týraly nagradtaýǵa arnalǵan tizimge tıisti jazba jazylady. Tabys etilmegen medaldar men olardyń kýálikteri, qaıtarylý sebepteri kórsetile otyryp, Qazaqstan Respýblıkasy Prezıdenti Is basqarmasynyń Ordender qoımasyna qaıtarylady, bul týraly tizimderge tıisti belgi qoıylady. Júrgizilgen nagradtaýlardyń esebin, sondaı-aq merekelik medaldardyń tapsyrylý barysy týraly eseptelikti Qazaqstan Respýblıkasy Prezıdentiniń Ákimshiligi júrgizedi.